قصيده في سيف العشق

من طرف سيف العشق الجمعة يناير 16, 2009 6:58 pm

كيف أطفي الريح بثـيـابـك وكيف اشعلك

كيف اتـنـثر على جمـرك وكيـف احتويك

نقضت ليل الحرير وجيت ماانت لــ هلك

سـمـّـيت بــاللي فـتـني بـك وقلت ابتديـك

هـذا اول الـدرب أو هـذا الطــريق اولك

جـيت آتـوقــّا عذابات المدى واهتديك

شـوقـي مـسـافــة وهـمساتـك مـدار وفـلك

ان ماظـميتك غلى ياعلني ما ارتـويك

إية اعرفك واعرف اني من غلاك اجهلك

مـرات اضمّـك واخـاف اني مـشبة عليك

مـرات اشــوفـك بـنفس الـوقت واتخيـلك

وانـشـد كفـوفي عن اخر سـالفة من يديك

أعـنّ لك لـو تصّـب المـوت واتـهيّلك

واجـوع لـك وآتمـنى خنجـرك واشتهيـك

ماقلـت لـك عـمر سيـف العشق مايقـتـلك

ماتـشـوفني حي قدامك وانــا امـوت فيك

اشتقت لك قبل اجيك وجيت واشتقت لك

البارحة طول ليلي بين هــذي وذيـك

مليت جمـر انـتـظارك واستحيت أسألـك

واحـسبني ما بعد جيتك وفــكرت اجيـك

اثـــرك بقلبي من البارح وانـــا استعجلك

واثري نسيتك من الفرحة وقمت احتريك

للشاعر/ مساعد الرشيدي .,,

تحياتي ..

من طرف **Ahmad Al Thaqafi** الخميس فبراير 05, 2009 12:36 pm

يسلمووووو....

من طرف سيف العشق الثلاثاء فبراير 17, 2009 11:47 pm

الله يسلمكـــ مشكور على مروركــ

يا أحمد ...

قصيده في سيف العشق

قصيده في سيف العشق

رد: قصيده في سيف العشق

رد: قصيده في سيف العشق