يا بحر ...

من طرف سيف العشق السبت يناير 10, 2009 10:49 pm

يابحـــــــــر

هذا مكانه يابحر أعرفه زين

رغم البطا كنه هنا من ثواني

كنا هنا قبل نتفارق بعامين

قبل المطر يجتاح وجه المباني

وينه غلاتي يابحر وينه الحين

مرك .. لمحته .. مانشد عن حناني

بالله قول انه هنا قبل يومين

ودي أحس أنه هنا مانسانسي

حتى الكراسي تسألك يابحر وين

من غيبته حتى الكراسي تعاني

كنا هنا قدام وجهك محبين

نرسم على سطحك كثير الأماني

شف يابحر كنا على جالك أثنين

واليوم ماغير الدمع والمواني

دونه أشوف الزين بناظري شين

وبإسمه أنادي واحد من أخواني

وين السعاده ناسيتني من سنين

مدري بعد مثل السعاده نساني

اااه يابحر الدمع في محجر العين

ماأقدر على ذكراه هزت كياني

ماأقول يسوى في عيوني ملايين

يسوى عيوني وماغلى في زماني

هو القمر في الأرض يمشي برجلين

مافيه مثله يابحر شخص ثاني

شف يابحر ماهزني غير ثنتين

فرقاه وميسم هالزمن لاكواني

لكن أمانه يابحر أحفظ الدين

لا جاك ثير الموج لهفه عشاني

قله غيابك عن حبيبك سكاكين

ماهو حرام الذبح بإنسان فاني

دايم يحن لموعدك يعرفه زين

وده يشوفك يابشر لو ثواني

الشاعر : عبدالناصر العالي ...

من طرف **Ahmad Al Thaqafi** الأحد يناير 11, 2009 5:55 am

مشكور على هده الأبيات الجميلة و الهادفة

من طرف سيف العشق الجمعة يناير 16, 2009 6:41 pm

الشكر لك على مرورك أخوووي منووور

انشاء الله تدووم مرورك يالغلا

تقبل كل أحترامي وودي ...

يا بحر ...

يا بحر ...

رد: يا بحر ...

رد: يا بحر ...