قلبك نظيف ؟

من طرف سيف العشق الخميس يناير 08, 2009 2:15 am

قلبك نظيف

ترى الزعل موجود مابين الأحباب
وترى العتب بين المواليف عادي

في نظرتك رغم الزعل حب وأعتاب
وانا بعد رغم الزعل معك هادي

أهم شي في قلوبنا شوق وأعجاب
مااقوى بعادك وانت تكره بعادي

نموت لو نصبح على بعد وغياب
وكلن عن الثاني في دنياه غادي

اقسى شعور احباب لاعاشو أغراب
واقسى بعد لا كان خلفه عنادي

اللى يبي الفرقا يدور لها اسباب
سهل السبب لاصار ناوي البعادي

والبعد ما يغلب اذا الحب غلاب
والوصل مايهزم اذا الشوق زادي

وانت الغرام اللى سكن قلب وأهداب
من يوم ماشفتك تحقق مرادي

ما أقول أقرب من موالين واقراب
انت النفس وانت الحياه لفوادي

قلبك نظيف ومن كثر طيبته شاب
من طيبته يقدر يغطي العبادي

دام القلوب انظاف في صدور الأحباب
يبقى العتب مابينهم شي عادي

الشاعر : عبدالناصر العالي